top of page
拯救！ 消除愛車太陽紋
喺太陽底下，望望你部愛車有無咁嘅情況?
當車身有好多細紋同輕微刮痕時，喺太陽光聚焦照射下，就會見到一圈圈嘅紋路，稱為太陽紋或蜘蛛網紋，過多嘅細紋會令車漆嘅顏色會越來越黯淡，以前鮮豔耀眼嘅光澤就不復存在。
太陽紋嘅形成
太陽紋係因為車漆表面依附住或多或少嘅灰塵或沙粒，喺洗車、打蠟、抹車或碰觸時摩擦滑過所累積落嚟嘅刮痕。
原因一：洗車步驟不當
大部份嘅太陽紋係由於不當使用洗車工具或錯誤操作而造成，洗車嘅第一步唔係沖水，而係先用預洗液，先軟化並帶走部分灰塵同沙粒，避免因直接沖水令沙粒等顆粒同車漆磨擦造成傷害。
原因二：擦拭車身
當漆面上有塵埃同沙粒，車主直接用布擦拭車身，或使用粗糙嘅布抹車。
原因三：打蠟因素
打蠟海綿用後無清洗乾淨，或者打蠟海綿無存放好，遭到塵埃沙粒污染後使用。喺大塵嘅環境下打蠟亦會增加刮痕出現，因此打蠟應該盡量喺無塵環境下進行。
太陽紋修復
清除太陽紋一定要用研磨拋光嘅方式處理。
先粗蠟研磨，後細磨拋光恢復鏡面效果
第一步：使用粗蠟進行初步打磨，先左右來回打磨，再上下來回打磨，確保均勻消除細紋。
第二步：使用拋光劑進行二次打磨，拋光劑內嘅超幼細微粒能夠將車漆打磨得更平滑細緻，大大提升光澤，恢復鏡面效果。
市面上絕大多數嘅研磨劑都係為配合拋光機研發，粗粒會喺高轉速下分解成幼細粒子，而且轉盤產生嘅高溫會將研磨粒子軟化，令研磨拋光達致最佳效果。
將漆面上嘅太陽紋磨走後，可以再進行上蠟作一層保護。
DIY 級別
專業級別
bottom of page