top of page
車主疑問
粗蠟、拋光同幼蠟嘅分別？
─
粗蠟 Compound
粗蠟係一種有粗粒嘅研磨劑，研磨能力係三者之中最高，研磨效果最快，適合喺車身花痕比較深嘅情況使用。
倒少量粗蠟落纖維布，用手喺刮痕處進行打磨即可，唔好太過用力打磨，亦避免用打蠟機，以免傷及車身表面。多數刮痕都能夠順利拋除，若果無法去除，表示刮痕過於嚴重，應該到專業汽車美容店施工較妥當。
但由於車漆表面嘅光油 (lacquer 俗稱「力架」) 會越磨越薄，如非必要都唔建議經常用粗蠟做重度既研磨。
另外，車漆經過粗蠟內嘅粗粒研磨後，表面未係平滑細緻，而且車漆顏色會變得暗啞，所以做完粗蠟研磨後需要進行拋光，令車漆回復光澤。
做完粗蠟研磨後記得將所有粗蠟抹走，唔可以有殘留留喺車漆。
拋光 Polish
拋光係一種粒子較幼細嘅研磨劑，研磨能力比粗蠟低及慢，不過由於研磨粒子幼細，做完拋光後嘅車漆表面會變得平滑細緻，而且色澤會瞬間提升、有光澤，恢復鏡面效果。
輕微嘅傷痕包括太陽紋、蜘蛛網紋、水漬等都可以透過拋光解決。
進行拋光時應配合拋光機一齊使用，以高轉速拋光先可以做到細緻均勻嘅鏡面效果。
同樣地做完拋光後記得將所有研磨劑抹走，唔可以有殘留留喺車漆。
運用不同車蠟
達至最佳拋光效果。
，
幼蠟 Wax
幼蠟基本上無任何研磨能力，只係用作保護車漆表面，一層薄薄嘅蠟就可以防紫外線、防水、防酸性物質等作用，保護車漆因日照而導致老化褪色，增強撥水能力防止水珠內嘅礦物依附車漆以致老化。
車主們要注意
車漆層其實非常薄，每次做粗蠟、拋光等研磨去除車漆上的劃痕或粗糙嘅同時，都會將車漆層越磨越薄。研磨次數越多，對車漆層嘅傷害就越大，因此，車主喺做粗蠟同拋光研磨之前要仔細衡量，除非愛車嘅表面漆層已被氧化得較為厲害或有明顯劃痕及不平，否則唔建議做。
相反，為愛車打蠟就應該經常做，唔單止可以令愛車回復光澤，同時又起到保護作用。
閱讀更多
bottom of page