top of page
愛車打蠟DIY
──
簡易教學變靚車
打蠟唔單止可以令愛車回復光澤，薄薄一層車蠟同時起到強大嘅保護作用，抵抗雨水、紫外線、粉塵及其他空氣污染物等，防止車漆受傷害。打蠟其實非常簡單，容易上手，而且係一個風險低嘅保護愛車方法，車主可以親自施工，一手一腳將愛車整到閃令令。
事前準備
上蠟嘅手法都有區分，可以用打圈抹法，或者直線順水流方向抹法，需要依照唔同車蠟嘅上蠟方式同特性再作調整。
上蠟份量只需要薄薄一層就足夠，太厚的話唔單止難乾，而且落蠟會比較困難，加上留喺車漆上嘅蠟有限，多餘嘅車蠟最終都係會被抹走。
至於門邊位、倒後鏡等面積細嘅狹窄位置，可以將打蠟綿套除下然後對摺，再以打蠟綿對摺嘅角位上蠟，另外亦可以直接用手上蠟，更簡單直接。
落蠟
上蠟後需要俾時間車蠟同車漆結合，但要等幾耐先可以開始落蠟就要參照每個車蠟產品嘅使用說明。
市面常見嘅可分為兩種：
快乾型 ─ 5 - 15分鐘內就要落蠟，車身上蠟同落蠟需要局部進行。
慢乾型 ─ 30分鐘或以上，足夠將成部車上晒蠟之後再落蠟。
當車蠟漸漸顯現出白霧，就可以準備落蠟。準備一塊落蠟專用嘅超細纖維布，將車上嘅車蠟抹走，次序一樣由最初上蠟嘅位置開始落蠟。
bottom of page