第一步 : 全面車廂除塵

進行護理前，先將車廂內所有大件灰塵、沙石吸走，包括儀表板、控制台、車廂內飾、地氈、地台及座椅，以便進行更深層清潔。

第二步 : 座椅護理

皮革座椅清潔方法

車主可以使用皮革清潔保護液，除咗提供清潔功能外，同時亦有美化及保護作用，為皮革、橡膠、塑膠物料表面回復原有自然光澤，保持柔軟自然，預防皮革老化褪色。

最佳使用方法係將適量清潔液塗喺抹布或專用海綿上，然後輕輕擦拭皮面就可以。

絲絨座椅清潔方法

使用絲絨座椅專用清潔劑時，應先噴落抹布或專用膠刷上，然後洗擦坐椅，完成清潔後再用擰乾嘅濕布抹乾淨。

由於絲絨座椅易吸水，清潔完座椅後應該打開車門通風數小時待乾或使用防潮抽濕器抽走剩餘水份。

車廂內其他皮面位置亦可以用皮革清潔保護液護理。

車廂內嘅異味容易殘留喺冷氣系統，車主可以用冷氣清潔噴劑為車廂除臭，利用車內冷氣系統，滲透車廂每個角落，消除各種異味，包括煙味、食物味、寵物味及霉味等。

關好車門及車窗，將冷氣系統開到最大並切換至車內循環。

任由冷氣清潔噴劑喺車廂內噴 15 分鐘，就能徹底淨化車廂空氣。