如何令車廂、房間瀰漫天然花香？
要將小天地變得芳香怡人，清新脫俗，不妨試吓用香草、乾花、精油，DIY 一個屬於你個人空間嘅香囊，令愛車/衣櫃/洗手間/睡房都瀰漫淡淡幽香，舒緩緊張情緒，過一個輕鬆愉快嘅聖誕節；車主們亦可以趁精油滲透花瓣嘅同時，驅除 車內所有散發異味嘅垃圾塵垢。
1. 準備材料 (圖中使用的材料)
乾花 (1/4 杯薰衣草，3/4 杯玫瑰花蕾)
香草莢
香薰油/精華油 (茶樹/薰衣草)
有蓋玻璃罐
紗袋/香囊袋 (3” x 4”)
幼繩
梳打粉 (選擇性)
備註：如果想用自己親手種嘅花做乾花材料，可以將花瓣用牙線纏繞莖部並繫緊，形成小束，掛喺乾燥嘅黑暗環境。如圖中嘅小型花瓣需要風乾至少三日，而較大片嘅花瓣就需時兩至三星期。
2. 混合風乾元素
將乾花加入玻璃罐，薰衣草佔四分之一比例；將香草莢剪成數截，加入罐中。蓋好玻璃罐，輕力搖勻混合物。
3. 加入精油
打開蓋後，加五至十滴個人喜愛嘅香薰油或精華油，再一次蓋好玻璃罐並輕力搖勻，之後打開蓋讓其自然風乾最少兩小時，令精油 / 香薰滲入混合物。
備註：薰衣草油可放鬆神經；小豆寇、甜橙、檸檬精油各三滴，可增進食慾，品味聖誕大餐。
4. 清除汽車座椅塵垢
等兩個鐘風乾嘅同時，何不執靚架車，放假周圍去？車主可以按個人需要同清潔習慣，揀一款最啱你嘅汽車吸塵機，去除所有上咗你愛車嘅垃圾塵垢！
如果想清理積聚喺座椅之間窄縫嘅塵垢，美國 Black+Decker 12V 廣角小旋風，從點煙器插座取電，200 度摺合吸咀輕易攝入狹窄地方，吸走難以觸及、積聚已久嘅塵垢。
5. 清理地毯
想要吸走黏喺地毯嘅塵垢，車主可以搭配隨機附送嘅軟喉同毛刷吸咀，將吸咀拉到腳踏同其他窿窿罅罅，剷除塵垢。
備註：如果車內有揮之不去嘅氣味，可以試吓將梳打粉撒喺座椅同地毯吸味，15 分鐘後再用吸塵機吸 走梳打粉。
6. 清理車廂
至於想揀一部通用、方便清理整個車廂嘅汽車吸塵機的話， Black+Decker 汽車小蝸牛，有 5m 車用電源線、 80cm 軟喉吸咀，另外仲有配搭纖型吸咀 / 鴨咀刷冷氣吸咀，冷氣吹風口、扶手柄，一掃乾淨。
7. 將香囊放到汽車冷氣 ／ 房間
最後，將玻璃罐內適量香料混合物倒入紗袋/香囊袋，用幼繩綁緊袋口，將香囊綁喺汽車冷氣出風口，或者放入衣櫃/鞋櫃/洗手間/睡房。 小天地洋溢優雅芬芳，迎接聖誕。
